§ 62
| 1 | Quid autem obtestationes potantium loquar ? quid memorem sacramenta, quae uiolare nefas arbitrantur? 'bibamus* inquiunt. |
| 2 | 'opto salutem imperatorum, ut qui non biberit fiat reus indeuotionis; uidetur enim non amare imperatorem qui pro eius salute non biberit). |
| 3 | s o piae deuotionis obsequium ! 'bibamus pro salute exercitus, pro comitum uirtute, pro filiorum sanitate'. |
| 4 | et haec uota ad deum peruenire iudicant sicut illi qui calices ad sepulchra martyrum deferunt atque illic in uesperam bibunt; aliter se exaudiri posse non credunt. |
| 5 | o stultitia hominum, qui ebrietatem sacrificium putant, qui existimant illis ebrietatem placere qui ieiunio passionem sustinere didicerunt. |